تعلم اللغات

اسرع طريقة للمذاكرة MIND MAP

اسرع طريقة للمذاكرة MIND MAP

النهاردة بوست مش عادي .. دسم شويتين .. عايز روقان وكوبايه شاي كدا واقرأ ..#شهر_الامتحانات
النهارده هنتكلم عن مفتاح مهم جدا في المذاكره .. ممكن يخلصلك المواد في غمضة عين!

هنتكلم عن الـ Mind map in study “الخرائـط الذهنيه في المذاكره”

بس قبل ما نبدأ فيه قصه بسيطه نحب نقولها :
يتحدث مبتكر هذه الطريقة توني بوزان عن رسالة وصلته من احد الطلبة الذين جربوا تطبيق هذه الطريقة

فيقول : أخبرت أساتذتي في الثانوية إنني اعتزم على الالتحاق بجامعة كمبردج بعد تخرجي !

فرد عليه أحد أساتذته :

هذا غير معقول يا ادوارد فمعدلك ومستواك الدراسي خلال السنوات الثلاثة الماضية لا يؤهلك للالتحاق بهذه الجامعة وخاصة أن الجامعة تشترط النخبة من الطلبة .

انك تضيع وقتك وجهدك في دخولك الامتحان الذي تجربة هذه الجامعة سنويا لمن يريد الالتحاق بها !!
ولكن إدوارد الذي دفع العشرين جنيه لدخول هذا الاختبار كان هدفه ” سوف احصل على (أ) في جميع المواد “

وحينما اقترب موعد الاختبار كون إدوارد مجموعة من الخرائط الذهنية لجميع المواد بصورة جيدة وراجعها جيداً ودخل الامتحان بصورة شذ فيها عن الجميع ، فالجميع معهم كتب وكراسات ومتوترين وقلقين بينما هو لم يكن معه مذكرات ولا كتب عدا وريقات رسم فيها خريطته الذهنية لهذه المواد بل انه جلس على كرسي الاختبار وهو في راحة نفسيه بل قد تبالغ ونقول انه هو الوحيد الذي يجاوب على أسئلة امتحان كيمبردج بكل فرحة وسرور وثقة في النفس ليس لها مثيل .

وبعد إعلان النتائج كانت نتيجة الطالب ادوارد هيور كالتالي :-
الأول في الجغرافيا والتاريخ و الأول مع مرتبة الشرف في التجارة!!

نبدأ بقى 
———-

– ما معني الـ Mind maps ؟؟

هي تقنيه رسوميه تعتمد على رسم كل اللي انت محتاجه في ورقه واحدة بشكل منظم بتحاول فيها استبدال الكلمات برسمه تدل عليها بحيث انك تضع كل ماتريد في ورقة واحدة بطريقة مركزه ومختصرة وسهلة التذكر بالنسبة ليك وبتخليك تستخدم الطـاقه القـصوى من عقـلك.

– ما هي الفائده من الـ MIND MAP ؟

وإيه علاقتها بالعقل والمخ أصلا؟

أقولك يا سيدي ..

المخ بتاعنا بيتقسم لنصين “نص يمين ونص شمال”

█ النص اليمين مسئول عن “الـتـفـكير” مسئول عن الالوان – الابعاد – الخيال – الرسم – الموسيقي ..

يعني كلها حاجات مش ملموسه

█ النص الشمال مسـئول عن “الأفـعـال” مسئول عن الحركه والكلام والمنطق والتحيل

يعني كلها حاجات ملموسه

ما علينا من الكلمتين دول هتعرف قيمتهم كمان شويه

– لـيه الـ Mind Map ؟؟

– بتديك نظره شامله على الموضوع الكبير.
– بتجمع أكبر قدر من المعلومات والبيانات في مكان صغير.
– بتسهل عليك ربط معلومه في شابتر 3 بمعلومه في شابتر 7 .
– شكلها جذاب جدا ومريح للعقل من المذكرات والكتب والملازم.
– بتخلـق الإبداع في كل نقطه.

– إزاي أعمل الـ Mind map وازاي استخدمها في الدراسه ؟؟

(1) هات ورقه A4 او A3 “ورق التصوير العادي” وهات شويه أقلام سواء جاف او أقلام بورد “على الأقل هات 3 ألوان”

(2) ابدأ بكتابه العنوان الرئيسي للماده في النص ويفضل انك ترسمه برسمه او رمز سهل انك تفتكره ..

وابدأ فرع منه الشباتر – الفصول – الأبواب في نواحي مختلفه “اعمل حساب انك هتكتب تحتهم”

(3) تحت اسم كل فصل/باب ابدأ اكتب العنواين التفصيليه للفصل ده .. يعني مثلا في ماده الانتاج .. فصل اسمه السباكه .. هتكتب ايه الحاجات الأساسيه اللجوا الفصل ده زي : طرق السباكه وتكتب اسم كل نوع – مميزات السباكه – عيوب السباكه – استخدامات السباكه .. وتكتب في كل عنوان نصف النقاط الموجوده فيه .. وبعدين تدخل على الفصل اللي بعده .. مثـلا اللحام : طرق اللحام – أنواع اللحام – مميزات اللحام – أماكن اللحام .. والأهم من أي حاجه الرسومات تحت كل عنوان وقولتلك هتعرف ليه في الاخر.. وجبنالكم مثال هندسه بما اننا في هندسه بس يطبق على كل التخصصات. وهنجيبلكم أمثله في الآخر.

(4) تبدأ تعمل ورقـة لكل باب تكتب فيها كل فتفوته .. كل الملاحظات اللي كتبتها تبدأ تحطها تحت عناوين أقل وهيكون عندك رسومات مقرره عليك في الماده تبدأ تكتبها .

ملاحظات هامه جدا وانت بترسم:

– استبدل الجمله برسمه .. مثلا : أهميه العضلات .. ارسم صوره العضلات.
– خلي الخطوط اللي طالعه من الكلمه الرئيسيه تقيله وتبدأ ترفع كل ما ترفعت “زي فروع الشجره بالظبط”
– استخدم ألوان كتير ” مش أقل من 3 الوان” + قلم رصاص
– ارسم من اليمين للشمال عشان العقل يستخدم الطاقه كلها.
– اكتب التفاصيل بالعاميه لو تحب.
– الصوره او الكلمه لازم تكون فوق الخط مش تحته.
– خلي ليك اسلوب خاص في الخرائط دي.
– اكتب الملاحظات الاخيره او التفاصيل الاخيره “اخر فروع الشجره” بالقلم الرصاص
– استخدم لون للعنوان في نص الصفحه .. ولون ثاني للعناوين الفرعية الأولى و لون ثالث للعناوين الفرعية الثانية لحد ما توصل للرصاص.

– طيب أنا عايز اعملها اون لاين مش عايز اعملها على ورق

احنا عنينا ليك يا باشا انت جيت في جمل

ده موقع اسمه Exam Time بيقدم خدمات كتير

سجل فيه وهتلاقي انك ممكن تعمل Map واللينك ده هيعرفك ازاي: http://goo.gl/RtfsNv
وده موقع تاني http://goo.gl/M4IyL9
وده موقع تالت http://goo.gl/6jX1gt
ودور وهتلاقي كتير سواء ع الويب او الموبايل

– طيب أنا عايز امثله لخرائط فاتت عشان افهم أكتر:

اضغط علي الصوره لرؤيتها بالحجم الكام

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق